बागलुङ – नेपाली कांग्रेसले बागलुङ क्षेत्र नं २ मा चुनावी प्रचार-प्रसारलाई तीव्र बनाएको छ। प्रत्यक्ष उम्मेदवार टेकराज पौडेल र समानुपातिक उम्मेदवारलाई विजयी बनाउन पार्टीका नेता तथा कार्यकर्ताहरू सक्रिय छन्।
आज गलकोट नगरपालिका वडा नं ५ हरिचौर, वडा नं ६ जंगरा र वडा नं ९ बाँसखोलामा मतदाता भेटघाट र प्रचार कार्यक्रम सम्पन्न भएको छ। सहसचिव फम बहादुर खत्रीका अनुसार, कार्यक्रममा नेता तथा कार्यकर्ताले स्थानीयवासीहरूसँग प्रत्यक्ष भेटघाट गरी गुनासा सुन्ने र पार्टीका प्रतिवद्धता साझा गरेका छन्।
उम्मेदवार टेकराज पौडेलले कार्यक्रममा भने, “गलकोट र आसपासका क्षेत्रका विकासका लागि आवश्यक सेवा र योजना पहिले तयार छन्, तर प्रभावकारी रूपमा कार्यन्वयन हुन सकेको छैन। यसलाई प्राथमिकतामा राख्दै जनताको वास्तविक आवश्यकतामा केन्द्रित भएर काम गर्नेछौं। लोकतन्त्र, विकास र जनताको अधिकारको रक्षा हाम्रो मुख्य लक्ष्य हो।”
काँग्रेस महाधिवेशन प्रतिनिधि मञ्जेश बम मल्लले पनि कार्यक्रममा मन्तव्य राख्नुभयो। पार्टीले आगामी दिनहरूमा सबै ४८ वडाका घरदैलोमा पुग्ने कार्यक्रम जारी रहने जनाएको छ।
