बागलुङ – आगामी प्रतिनिधि सभा निर्वाचनका लागि नेपाली कांग्रेसले क्षेत्र नं. २ मा प्रचारलाई तीव्र बनाएको छ।
आज ताराखोलाका अर्गल, भुस्कात र मास्खर्कमा घरदैलो तथा भेटघाट कार्यक्रम सञ्चालन भएको छ। पार्टीका केन्द्रीय सदस्य र प्रत्यक्ष उम्मेदवार टेकराज पौडेलले कार्यक्रममा जनतासँग भेटेर चुनावी समर्थनका लागि अपिल गर्नुभएको छ। उहाँले भन्नुभयो, “हामी सबै मिलेर समृद्धि र विकासको लागि जिम्मेवार नेतृत्व रोज्नुपर्छ। तपाईंको विश्वास र मतले क्षेत्र नं. २ को परिवर्तन सम्भव छ।”
कार्यक्रममा समानुपातिक उम्मेदवार रेनुका काउचा, जिल्ला सभापति जित सेरचन, प्रदेश सभा सदस्य दोर्ण कुवर, क्षेत्रीय सभापति जोकलाल बुढा, जिल्ला सचिव गण्डकी अधिकारी, सह–सचिव फम खत्री, र महाधिवेशन प्रतिनिधि भरत शर्माले सहभागी भएर प्रचारलाई गति दिएको जनाइएको छ।
