मुग्लिङ–नारायणगढ सडकखण्डको घुमाउने भन्ने स्थानमा आज बिहान एक बस दुर्घटना हुँदा १० जना घाइते भएका छन्।
सुदूरपश्चिम प्रदेशबाट काठमाडौंतर्फ जाँदै गरेको सुदूरपश्चिम प्रदेश ०२–००१ ख १३३२ नम्बरको बस बिहान ७:१५ बजे अनियन्त्रित भई सडकको डिभाइडरमा ठोक्किएको थियो।चितवनको जिल्ला प्रहरी कार्यालयका अनुसार बसको अनियन्त्रित अवस्थाले दुर्घटना गराए पनि, सडक किनारमा लगाइएको बारले बसलाई त्रिशूली नदीमा खस्नबाट जोगाएको छ।
घाइते १० जनालाई तत्कालै उपचारका लागि भरतपुर अस्पताल पठाइएको छ।
दुर्घटनापछि सडकको एकतर्फी मात्रै यातायात सञ्चालन भइरहेको र ट्राफिक व्यवस्थापनमा केही समय लाग्न सक्ने प्रहरीले जनाएको छ।
