एसईई नतिजा प्रकाशनको तयारी अन्तिम चरणमा

माध्यमिक शिक्षा परीक्षा (एसईई)को नतिजा प्रकाशनको प्रक्रिया अन्तिम चरणमा पुगेको छ।

एसईई नतिजाको काम अन्तिम चरणमा पुगेको र त्यसका लागि आज बोर्ड बैठक बस्ने तयारी गरिएको स्रोतले जानकारीदिएको छ।

नतिजाको विषयमा छलफल गर्न परीक्षा बोर्डको बैठक आज बस्ने भए पनि समय भने निर्धारण भइनसकेको स्रोतको भनाइ छ। २०८१ को एसईई परीक्षा ७ चैतदेखि सञ्चालन भएको थियो। परीक्षामा नियमिततर्फ ४ लाख ३१ हजार ४६६ र ग्रेडवृद्धितर्फ६७ हजार ७१५ गरी जम्मा ४ लाख ९९ हजार १८३ विद्यार्थी सहभागी भएका थिए।