घुम्टे खबर

ओमसरा घर्ति/काठमाडौं “स्थानीय कला र संस्कृतिको संरक्षण गरौँ” भन्ने नाराका साथ रोल्पा माडी समाज दाङको भेटघाट तथा भेला कार्यक्रम तुलसीपुरस्थित पुरानो यातायात कार्यालयमा भव्य रूपमा सम्पन्न भएको छ।  कार्यक्रमले समाजभित्र आपसी एकता, सहयोग, र सांस्कृतिक चेतनाको विकासमा जोड दिएको छ ।भेलामा करिब १०० जना सहभागिता जनाएका थिए। छलफलमा स्थानीय कला, सांस्कृतिक संरक्षण, सामाजिक सद्भाव र संगठनात्मक सुदृढीकरणका विषयहरू प्राथमिकताका साथ प्रस्तुत गरिएका थिए। कार्यक्रममा ३३ सदस्यीय नयाँ कार्यसमिति सर्वसम्मत रूपमा चयन गरेको छ।  नवगठित समिति चयन भएको जसमा अध्यक्ष: कमानसिं घर्ती, उपाध्यक्षहरू, कर्णबहादुर डाँगी, हिरासिं बुढा, मानबहादुर घर्ती , सचिव बलसिं घर्ती मगर, सह–सचिव, सन्तोष नेपाली र कोषाध्यक्ष सुन कुमारी बुढा…

शोभा जेसी/रुपन्देही लुम्बिनी प्रदेशमा युवा तथा खेलकुद मन्त्रालयले नयाँ नेतृत्व पाएको छ। लोसपाका संसदीय दलका नेता सन्तोषकुमार पाण्डेले प्रदेश प्रमुख कृष्णबहादुर घर्तीसमक्ष पद तथा गोपनीयताको शपथ ग्रहण गरेपछि औपचारिक रूपमा मन्त्रालयको जिम्मेवारी सम्हालेका छन्। शपथग्रहण समारोह बुटवलस्थित प्रदेश प्रमुखको कार्यालयमा आयोजना गरिएको थियो जहाँ मुख्यमन्त्री चेतनारायण आचार्य, पूर्वमुख्यमन्त्री डिल्लीबहादुर चौधरी, अन्य मन्त्रीहरू र उच्चपदस्थ पदाधिकारीहरूको उपस्थिति रह्यो। मुख्यमन्त्री आचार्यले साउन ११ गते मन्त्रीपरिषद् विस्तार गर्दै सो खाली रहेको मन्त्रालयको जिम्मेवारी सन्तोषकुमार पाण्डेलाई दिएका हुन्। उनको नियुक्तिसँगै लुम्बिनीको युवासम्बन्धी र खेलकुद क्षेत्रको नेतृत्वलाई नयाँ दिशा दिने अपेक्षा गरिएको छ।

शोभा जेसी/रुपन्देही रुपन्देही जिल्लाको ओमसतीया गाउँपालिका स्थानीय विवाद समाधानको क्षेत्रमा एक उदाहरणीय सफलता हासिल गर्न सफल भएको छ। आर्थिक वर्ष २०८१/०८२ मा दर्ता भएका ६२ वटा विवादहरूमध्ये ४६ वटा (७४.१९%) विवाद सफलतापूर्वक समाधान गर्दै गाउँपालिकाले न्यायिक क्षेत्रमै अग्रणी उपस्थिति जनाउन थालेको छ। उक्त मुद्दामध्ये ३५ वटा न्यायिक समितिबाट र ११ वटा मेलमिलापकर्ताबाट निष्पादन भएका हुन्। यस्तो प्रभावकारी निष्पादनलाई स्थानीय स्तरमै न्यायको पहुँच स्थापित गर्ने सफल अभ्यासको रूपमा हेरिएको छ।

लगातार बढेको ८ कारोबार दिनपछि आज आइतबार सेयर बजार घटेको छ । अघिल्लो दिनको तुलनामा बजारको परिसूचक नेप्से १८.४४ अंक घटेको हो । सो गिरावटपछि नेप्से २९६४ अंकमा कायम भएको छ । कारोबार सुरु भएपछि बढेको बजार १२ : ५० बजे ३ हजार १२ अंकसम्म पुग्यो । त्यसपछि बिक्री चाप बढ्यो । गत वर्ष साउन ३० गते कारोबार बन्द हुँदा नेप्से परिसूचक ३ हजार अंकमै पुगेको थियो । अहिले सोही अंकलाई बजारले प्रतिरोधका रुपमा सामना गरेको छ । ४ वर्षअघि २०७८ भदौ २ गते नेप्से परिसूचक ३१९८ अंक पुगेको रेकर्ड छ । आइतबार कारोबार रकम पनि उल्लेख्य बढेको छ ।…

गाजामा इजरायलले खाद्यान्न आपूर्तिमा अवरूद्ध गर्दा बालबालिकाहरू नुन खाएर भोक मेट्न बाध्य भएका छन् । इजरायल–हमास युद्ध सुरु भएको २२ महिनामा हालसम्म भोकमरीका कारण १२४ जनाको मृत्यु भइसकेको छ, जसमध्ये ८१ जना बालबालिका छन्। केवल जुलाई महिनामै भोकका कारण ४० जनाको मृत्यु भएको छ, तीमध्ये १६ बालबालिका छन्। गाजामा रिपोर्टिङ गरिरहेका पत्रकारहरूका अनुसार त्यहाँ ५० ग्रामको बिस्कुटको मूल्य एक हजार रुपैयाँ भन्दा बढी पर्ने अवस्था छ । नगद पैसा झिक्नका लागि ४५ प्रतिशतसम्म कमिसन दिनुपर्छ। इजरायलले विदेशी पत्रकारहरूलाई प्रवेश निषेध गरेका कारण त्यहाँबाट स्थानीय सञ्चारकर्मीहरूले रिपोर्टिङ गरिरहेका छन् । बालबालिका लगायतका मानिसहरू नुन चाटेर र पानी पिएर पेट भर्नुपर्ने बाध्यतामा…

देशको राजनीतिमा लामो योगदान पुर्याउँदै आउनुभएका नेपाली कांग्रेसका नेता पृथ्वीमान गुरुङको आज बिहान दुखद निधन भएको छ।उहाँको निधन बिहान ८ बजे, भरतपुर महानगरपालिका–२६ स्थित आफ्नै निवासमा भएको पुष्टि भएको छ। राजनीतिक यात्रामा अनेकौं जिम्मेवारी सम्हाल्दै आउनुभएका गुरुङ, २०७८ साउन १२ गते गण्डकी प्रदेश प्रमुख पदमा नियुक्त हुनुभएको थियो।उहाँ नेपाली कांग्रेस चितवनका पूर्वसभापति समेत हुनुहुन्थ्यो। राजनीतिक विभाजनको समयमा गुरुङले प्रजातान्त्रिक कांग्रेसको जिल्ला सभापतिको भूमिका पनि निर्वाह गर्नुभएको थियो।राजनीति मात्र होइन, सामाजिक नेतृत्वमा समेत उहाँको विशेष पहिचान थियो। उहाँले नवलपरासीको भूमि समस्या समाधान आयोगको अध्यक्षका रूपमा समेत कार्य गर्दै जनताका समस्यामा सक्रिय भूमिका खेलेका थिए।

म सधै जसो नियमित कार्यालयको कामकाज गरेर फुर्सदको समय बिताउने मेसोमा थिए । के गरु भनेर यर्थाथमा योजना, डायरी, कार्यक्रम,सोच,बैठक,भेला,चियाकफी गफ खासमा थिएन । घरपरिवारसँग पारीवारीक कुराकानी गर्न बाँकी समेत थियो । म विद्यामन्दिर पुस्तकालय २००३, बागलुङमा पुस्तक साटफेर गर्न जाने,स्वअध्ययनका लागि पुस्तकहरु अध्ययन गर्ने र छोरा हिम्मत थापा मगर र छोरी रुयासा थापा मगरलाई मेहनत साथ अध्ययन गर्नका लागि उत्प्रेरण गर्ने र भन्ने बाहेक औपचारिक कार्यक्रमहरुका लागि समय व्यवस्थापन भएको थिएन । सामाजिक सञ्जालहरुको दैनिक रुपमा बढी प्रयोग भएर होला मलाई साथीहरुको र छिमेकीहरुको मोबाइल नम्बरमा कम फोन आउने गरेको छ । नयाँ नयाँ साथीहरु पनि कम मात्रामा चिनजान…

पृष्ठभूमि मध्ययुग (५औँ–१५औँ शताब्दी) युरोपको इतिहासमा, सामन्तवादी आर्थिक प्रणाली, निरङ्कुश राजतन्त्र, र धार्मिक विश्वासमा आधारित वैचारिक मान्यताको विशेषता बोकेको कालखण्ड हो। यो अवधिलाई स्थिरता, जडता र नवीन चेतनाको अभावले अन्धकारमय युगका रूपमा पनि चित्रण गरिन्छ। यद्यपि, समकालीन विश्वको आर्थिक, सामरिक र ज्ञानको केन्द्र पश्चिमी संसार (पश्चिम युरोप, उत्तरी अमेरिका, अस्ट्रेलिया, न्युजिल्यान्ड) हो, जुन पछिल्लो दुई सय वर्षमा मात्र अग्रस्थानमा आएको हो। मानव सभ्यताको इतिहास हजारौँ वर्ष पुरानो छ, तर प्राचीन महान् सभ्यताहरू (सुमेर, हरप्पन, इजिप्ट, चिनियाँ) युरोपबाहिर, मुख्यतः एसिया र अफ्रिकामा विकसित भएका थिए । दक्षिण युरोपका ग्रिक र रोमन सभ्यता पनि मध्यपूर्वको प्रभावबाट प्रेरित भएको थियो। इस्वी संवत् प्रारम्भ…

“जनसंख्या र सम्भावनाको सन्तुलन” विश्व जनसंख्या दिवसको सन्दर्भमा विश्वको इतिहास हेर्दा, जनसंख्याको बसाई सराई सँगै सभ्यता सरे, संस्कृतिहरू फुले। एक ठाउँबाट अर्को ठाउँमा काम, खाने, बाँच्ने खोजीमा मानिसहरू बगिरहेका थिए, समय सँगै। तर आज, जहाँ कोही धेरै छन्, त्यहाँको जमीन थाकेको छ, शहरहरु अँगालो फैलिएर बाँझो जमिन गनगनाउँछ। र गाउँ खाली छन्, बाँच्न गाह्रो तर सम्भावनाहरू ओगटिरहेका। जनसंख्याले प्रतिस्थापन होइन, सन्तुलन खोज्नुपर्छ, किनभने जीवनको मूल्य, सङ्ख्यामा होइन, गुणस्तरमा हुन्छ। कसरी होस् जनसंख्या व्यवस्थापन? गुणस्तरीय शिक्षा — सबैका लागि, स्वास्थ्य सेवा — पहुँच योग्य, रोजगार सृजना — सीप अनुसार। परिवार योजना — बुझेको, अपनाएको, सामाजिक सचेतना — गहिरो र बहस युक्त।…

बागलुङको ताराखोलामा पिकअप दुर्घटना भएको छ ताराखोला देखि गलकोट हटिया आउदै गरेको ग १ ज ७१८९ नम्बरको बोलेरो पिकअप ताराखोला गाउपालिका वडा नं ३ पिरेचा बगरदेखि केहि तल गए राती करिब १० बजेतिर दुर्घटना भएको प्रहरीले जनाएको छ । ताराखोलाको करिमेलामा सञ्चालित परम्परागत असारे मेलाबाट १६ जना यात्रु लिएर फर्कदै गर्दा दुर्घटना भएको बताईएको छ । गाडी सडकबाट झण्डै ३० मिटर तल खसेको छ । गाडीमा सवार गलकोट नगरपालिका वडा नं ६ का प्रतिक श्रीस घाईते हुनुभएको छ । श्रीसको थप उपचारको लागि पोखरा रिफर गरिएको प्रहरीले जनाएको छ । दुर्घटनाका अन्य घाइतेहरुको गलकोट नगर अस्पतालमा उपचार भईरहेको ईलाका प्रहरी…